Gulzar Shayari In Hindi

kitaaben jhaankatee hain band aalamaaree ke sheeshon se
badee hasarat se takatee hain
maheenon ab mulaakaaten nahin hotee

jo shaamen unakee sohabat mein kata karatee theen
ab aksar guzar jaatee hai kampyootar ke pardon par
badee bechain rahatee hain qitaaben

unhen ab neend mein chalane kee aadat ho gaee hai
jo kadaren vo sunaatee thee ki jinake
jo rishte vo sunaatee thee vo saare udhare-udhare hain
koee sapha palatata hoon to ik sisakee nikalatee hai
kaee laphzon ke maanee gir pade hain

bina patton ke sookhe tund lagate hain vo alfaaz
jinapar ab koee maanee nahin ugate
jabaan par jo zaayaka aata tha jo safa palatane ka
ab oongalee klik karane se bas jhapakee gujaratee hai
kitaabon se jo zaatee raabta tha, vo kat gaya hai

kabhee seene par rakhakar let jaate the
kabhee godee mein lete the

kabhee ghutanon ko apane rihal kee soorat banaakar
neem sajade mein padha karate the, chhoote the jabeen se
vo saara ilm to milata rahega aainda bhee
magar vo jo kitaabon mein mila karate the sookhe phool
aur mahake hue rukke

kitaaben mangaane, girane uthaane ke bahaane rishte banate the
unaka kya hoga
vo shaayad ab nahee honge!!

main tujhe apanee aankhon mein bhar to loon zara,
na jaane kyon vaqt ko, guzarane kee hadabadee hai|
guzar jaayega magar.. phir se aaega zaroor,
ye jeevan duhkh aur sukh kee kadee dar kadee hai|
hairat hai ke ab bhee jinda hoon kis tarah,
dekh jindigee ab bhee usee makaam par khadee hai|
khaamoshee ka matalab sukoon hai.. ya bebasee hai,
tujh bin har manzar mein magar koee kamee hai|


baarish aatee hai to paanee ko bhee lag jaate hain paanv
dar-o-deevaar se takara ke guzarata hai galee se
aur uchhalata hai chhapaakon mein
kisee maich mein jeete hue ladakon kee tarah
jeet kar aate hain jab maich galee ke ladake
joote pahane hue kainavas ke uchhalate hue gendon kee tarah
dar-o-deevaar se takara ke guzarate hain
vo paanee ke chhapaakon kee tarah …

shaam aayee teree yaadon ke sitaare nikale
rang hee gam ke nahin naqsh bhee pyaare nikale
raks jinaka hamen saahil se baha laaya tha
vo bhanvar aankh tak aaye to qinaare nikale
vo to jaan le ke bhee vaisa hee subak-naam raha
ishq ke baad mein sab jurm hamaare nikale

main jab bhee gujara hoon is aaeene se,
is aaeene ne kutar liya koee hissa mera.
is aaeene ne kabhee mera poora aks vaapas
nahin kiya hai–
chhupa liya mera koee pahaloo,
dikha diya koee zaaviya aisa,
jisase mujhako,mera koee aib dikh na pae.

main khud ko deta rahoon tasallee
ki mujh sa to doosara nahin hai !!

abhee na parda girao, thaharo ki daastaan aage aur bhee hai
abhee na parda girao, thaharo
abhee to tootee hai kachchee mittee, abhee to bas jism hee gire hain
abhee to kiradaar hee bujhe hai,
abhee sulagate hain rooh ke gam
abhee dhadakaten hai dard dil ke
abhee to ehasaas jee raha hai

yah lau bacha lo jo thak ke kiradaar kee hathelee se gir padee hai
yah lau bacha lo yaheen se uthegee justajoo phir bagula ban kar
yaheen se uthega koee kiradaar phir isee roshanee ko le kar
kaheen to anjaam-e-justajoo ke sire milenge
abhee na parda girao, thaharo

aao tumako utha loon kandhon par
tum uchakakar shareer hothon se choom lena
choom lena ye chaand ka maatha

aaj kee raat dekha na tumane
kaise jhuk-jhuk ke kohaniyon ke bal
chaand itana kareeb aaya hai


khaalee dibba hai faqat, khola hua cheera hua
yoon hee deevaaron se bhidata hua, takaraata hua
bevajah sadakon pe bikhara hua, phailaaya hua
thokaren khaata hua khaalee ludhakata dibba

yoon bhee hota hai koee khaalee-sa- bekaar-sa din
aisa berang-sa bemaanee-sa benaam-sa din….

maanga hai jo tumase vo zyaada to nahin hai
dene ko to jaan de den, vaada to nahin hai
koee tere vaadon pe jeeta hai kahaan

main tainoo fir milaangee
kitthe ? kis tarah pata naee
shaayad tere taakhiyal dee chingaaree ban ke

tere kenavaas te utaraangee
ja khore tere kenavaas de utte
ik rahsmyee lakeer ban ke
khaamosh tainoo takdee ravaangee

ja khore sooraj dee lau ban ke
tere ranga vich ghulaangee
ja ranga diya baahavaan vich baith ke

tere kenavaas nu valaangee
pata nahee kis tarah kitthe
par tenu jarur milaangee
ja khore ik chashma banee hovaangee
te jiven jharniyaan da paanee udda
main paanee diyaan boonda
tere pinde te malaangee
te ik thandak jehi ban ke
teree chhaatee de naal lagaangee
main hor kuchchh nahee jaanadee
par ina jaanadee haan
ki vakt jo vee karega
ek janam mere naal turega
eh jism mukda hai
ta sab kuchh mook jaanda hain
par chetana de dhaage
kaayanatee kan hunde ne
main ona kana nu chugaangee
te tenu fir milaangee